Ampliación do prazo do concurso

Ampliación do prazo para a presentación de relatos ao concurso "A falar da Teta"

Comprácenos podervos contar que o concurso de relatos “A falar da Teta” está a ter unha moi boa acollida entre as nais de toda Galicia. É por isto polo que decidimos PROLONGAR A DATA LÍMITE PARA PARTICIPAR ATA O VENRES 9 DE SETEMBRO (INCLUSIVE).

Ás que xa enviastes os vosos relatos, GRAZAS. E ás que aínda non o fixestes, animádevos, estades a tempo de dedicarvos un anaco de tempo e plasmar nun papel todas aquelas emocións, aqueles recordos e aquelas ideas que vos pasan pola cabeza mentres tedes aos vosos meniños pegadiños á teta.

Aproveitamos para anunciarvos que a entrega de premios do concurso, enmarcarémola nunha XORNADA SOBRE LACTACIÓN MATERNA que terá lugar o SÁBADO 8 DE OUTUBRO, a partires das 16:30 horas no Centro Cívico Rosales (A Coruña).

Tralo remate do novo e definitivo prazo de inscrición volverémosvos a publicar novas noticias sobre o concurso.

Ata entón, gozade das vosas lactacións.